TONONKALO NOELY

NOELY
Tsy fo mangatsakatsaka
Tsy fo tsy misy pentina
No zavatra katsahiko
Izao Noely izao
Tsy hibanjina ny lanitra
Ho sambatra finaritra
No fenitra hohezahiko
Izao Noely izao
Tsy fanadiovan-tena
Na fanandran-tena
No tanjona tratrariko
Izao Noely izao
Noely fahatsiarovan-tena
Noely tia fanetren-tena
Noely fofom-pahantrana
Noely fofon-tranon’omby
Noely fetin’ny mpanota
O Noely tsy mifidy hotoloram-pifaliana
Mahazo mankalaza Anao avokoa ny olombelona rehetra
Noely !
Andriamoratsiresy Vololona
(Pseudonyme/Solon’anarana)

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *